Kunst - Foto - Glas- Reise
Her ser du bilete frå tidlegare år
Bileta kjem blant anna frå utstillinga sommaren 2023 som du kan sjå meir av på kunstlinja sin instagram.
Kven passar linja for?
Kunstlinja på Fjordane er for deg som likar å utforske, vil prøve ut eller fordjupe deg i ulike materialar, idear og ditt visuelle biletspråk. På Fjordane får du skape dine eigne kreasjonar med kunstnarisk friheit i tilrettelagde arbeidsrom.
10 grunnar til å velje Fjordane
Her er noke av det vi ofte jobbar med
- Keramikk med dreiing, moddelering og glasering
- Akrylmaleri, teikning, linotrykk og mixed media
- Glassfusing til skåler, smykker, motiv eller dekor
- Redesigne eller sy nytt etter mønster
- Bevisstheit på gjenbruk, miljø og bærekraft
- Utforsking og eksperimentering
- Opne arbeidsrom på kveldane
- Kunstnarbesøk, utstillingar, linjeturar og fellesturar
- Skreddarsy din timeplan med ulike valfag
- Ein skuledag fylt med praktisk arbeid, utfordringar, skaparglede og fellesskap
Linjetur med tog i Europa
I fellesskap skal vi planlegge linjetur med tog til europeiske byar. Du kan gle deg til nye kulturopplevingar, verdskjende museum og historiske attraksjonar. Ved å bruke tog som framkomstmiddel får vi både sett og opplevd mykje, samstundes som vi reiser så miljøvennleg som mogleg. I tillegg er ei togreise ein super måte å bli endå betre kjend med kvarandre på!
Reiser – ut og hente ny inspirasjon
Vi reiser på kunstnarbesøk, utstillingar, korte og lengre turar med linja, i tillegg til fellesturar i fantastisk natur.
- Studietur til Ålesund, Bergen eller Oslo
- Besøk til lundefugl-øya Runde eller andre naturperler
- Fellesturar med heile skulen til surfestranda Hoddevik, leirstaden Krokpollen og vintertur til Stigedalen.
Vi brukar alle linjeturane våre til å få med oss mykje inspirasjon og idear heim igjen, men like viktig er det at dette er reiser du gjer ilag med medelevane dine, som gir deg opplevingar og minne for livet!
Året på Fjordane
På kunstlinja arbeider vi med ulike tema og material frå veke til veke gjennom året. I keramikkrommet, i teikne- og malesalen, på trykkpressa, på glasrommet eller i syrommet med redesign.
Det er praktiske introduksjonar i alle tema, så du treng ingen forkunnskapar. Har du erfaring får du anledning til å vidareutvikle deg, og får tid til sjølvstendige prosjekt, der du kan arbeide meir med det du likar best.
På slutten av året set vi opp ei utstilling, og du reiser heim med ulike utprøvningar, kunstverk og produkt du har laga gjennom året.
Linjelærar Marita Bett Aakre
Marita er utdanna ved Ytre kunstfagskole (tidlegare Ålesund kunstskole) og Høgskulen i Volda på linja Kunst og handverk. Gjennom åra har ho hovudsakleg drive med sitt eige skapande arbeid innan biletkunst, der ho har fokusert på å fordjupe seg i både teknikk og tematikk.
Hennar mest kjende prosjekt er nok Bakketunet på Bjørke, eit sjarmerande gamalt gardstun med bygningar som strekkjer seg tilbake til 1500-talet. Restaureringa av dette tunet og utviklinga av innhald har for henne vore ein kombinasjon av jobb og hobby dei siste 20 åra. I tillegg til dette har ho også etablert sitt eige strikkemerke i 2020 og driv med design innan strikkekunst.
Når det gjeld hennar kunstnariske preferansar, har ho ein spesiell kjærleik for maleriet som uttrykksform, og ho er stadig på jakt etter måtar å fornye denne kunstforma på. Ho har ein spesiell dragning mot arbeid med blekk, mixed media, keramikk og grafisk design.
Hennar inspirasjonskjelder kjem ofte frå samtida og hennar eigen historie. Ho har sterke røter i Hjørundfjorden, og historiene om hennar forfedre kjem ofte til uttrykk i hennar arbeid på ulike måtar. Ho elskar å la seg inspirere av impulsar og utforske nye fagområde, noko som har ført henne inn i mange spennande kunstnariske retningar.
Redesign og sy nytt
Vi set pris på å kunne bruke gjenbruksmaterialar eller restmaterialar, eller naturmaterialar der det er mogleg. Vi ønsker å ha ein refleksjon over berekraft i det vi forbrukar og produserar. Dette prøvar vi ut i praksis når vi har redesign som tema.
Valfag
På Fjordane har du stor frihet til å skape din eigen timeplan. Du må ha minimum 2 valfag i kvart semester, men du kan velje fleire. Valfaga får du vere med på i tillegg til linje- og fellesfagtimar kvar veke.
Relevante valfag kan vere redesign tekstil, vikingliv, salmakar (lær) foto, PR, årbok eller strikking. Andre valfag kan vere aktivitetar som yoga, klatring, fjellturar, hest, sirkus, musikal eller surf.
Fargerikt fellesskap gir utvikling
Å møte andre elevar frå heile landet, som har dei same interessene, gir eit heilt unikt fellesskap og læringsmiljø. Du blir motivert, inspirert og kan utveksle idèar til nye prosjekt.
Er du interessert i å utforske andre tema eller materialar, som ull, såpelaging, dyrking, kroki eller performance? Eller har du lyst på eit samarbeidsprosjekt med elevar på andre linjer? Snakk med oss - vi tilpassar gjerne frå år til år!
Den prossessen du går igjennom i løpet av året er nyttig, sjølv om du kanskje ikkje har planer om å gjere dette faget til eit yrke. Du lærer både å arbeide sjølvstendig og samarbeide rundt større prosjekt som “Jul i Stallen”. Dette er noko du får bruk for ved seinare yrkesvalg.
Vil du fortsette med kunstfaget etter året på folkehøgskule, hjelp vi deg med å bygge opp portfolio til søknad til høgskule.
Om du vil bli kunstnar, arbeide i kreative yrke, eller vil investere eit år i deg sjølv: Velkomen til Fjordane!
Har du spørsmål om linja? Bruk kontaktskjemaet eller ring oss på 57 88 98 80.
