Klimamotivert skule
På Fjordane folkehøgskule bryr vi oss om kvarandre, miljøet og samfunnet vi lever i! Kvar dag prøvar vi å ta berekraftige val slik at vi kan bidra til å gjere verda til ein betre stad for alle. Vi støttar opp om FN sine 17 berekraftsmål og folkehøgskulane sitt berekraftvedtak. Vi er ein klimamotivert skule!
Nærturar
Alle linjene er mykje ute på tur i naturen. Med fjord, fjell og hav rett utanfor skulen, er det heilt naturleg for oss å gå til fjelltoppane vi ser frå vindauget, eller til gapahuken vår i skogen. Vi likar å fyre opp bålet og lage mat - og får vi lyst, overnattar vi gjerne under open himmel!
I ein radius på ein time med bil når vi surfestranda i Hoddevik, det bortgøymde paradiset i Krokpollen, vinterskog i Stigedalen og forblåste Kråkenes med utsikt til det verharde Stadhavet.
Kvifor dra langt av garde og setje djupe klimaavtrykk når vi kan reise kort og bruke den verdskjende naturen vi bur midt i?
Vi reiser med buss i staden for fly
Når linjene våre reiser på tur til utlandet, vel vi buss framfor fly. Å reise med buss er ein fantastisk måte å bli kjend med landa vi besøker mens vi reiser frå by til by og land til land. Ved å reise med buss får vi oppleve meir av landskapet og kulturen til landet vi er i, samtidig som vi gjer eit miljøbevisst valg.
Bussreiser er også svært sosiale. Heile gruppa er samla på ein stad og vi får moglegheita til å bli kjende med kvarandre på ein ny måte og knytte tettare band. Vi kan prate, le og dele opplevelsar medan vi reiser, og skaper minner som vil vare livet ut!
Ved å velje buss framfor fly, tek vi eit bevisst val om å redusere vårt karbonavtrykk. Moderne bussar er energieffektive og har lågare utslepp, noko som gjer dei til eit miljøvennleg alternativ. Samstundes får vi fleksibiliteten til å stoppe på spennande stader undervegs, noko som gjev oss unike opplevingar og eventyr.
Bli med oss på ei berekraftig og sosial reise gjennom Europa. Vi gler oss til å oppleve nye kulturar og landskap saman, og til å skape fantastiske minner på vegen.
Sanke og hauste
Vi har vår eigen grønnsakshage i Vikingtunet! Her dyrkar vi poteter, jordbær, grønnsaker og ulike urter som vi brukar i matlaginga på skulen. I vikingtunet har vi også ein sjusteinsomn som vi for eksempel kan lage pizza i – kanskje med løk og urter frå hagen?
Kvar haust har vi matveke, med fokus på alt vi kan ete frå naturen: bær, sopp, fisk, og av og til hjort. Det er svært populært å drikke sjølvpressa eplemost av nedfallsfrukt!
Gjenbruk og resirkulering
Vi oppfordrar alle til å bruke ting om att! Det kan vere å skaffe seg brukt ski-utstyr eller å shoppe second hand. På skills-bytte-dagen lærer vi ulike «skills» av kvarandre, som å reparere øydelagte ting, eller vi byttar ting med kvarandre. Vi ønsker mindre kjøpepress!
På linja kreativ saum og strikk tar vi det eit steg vidare – her kan du lære å sy og strikke din eigen garderobe – gjerne av gjenbrukte plagg og stoff!
Fjordane folkehøgskule sorterer all plast, papir, glass, metall, matavfall, restavfall og leverer til miljøverket i kommunen.
Solidaritet
På Fjordane folkehøgskule har vi fleire prosjekt gjennom året som handlar om gi noko av seg sjølv til andre, for eit varmare og meir inkluderande samfunn.
Jul på Fjordane/Jul i Stallen er eit arrangement der elevane inviterer små og store i lokalsamfunnet inn på skulen for å gi dei (og oss sjølve) ei hyggjeleg førjulsstund.
Borna får ri på hest, vi har ansiktsmaling og eventyrstund, vi har julemarknad og sal av julete mat og drikke.
Delar av overskotet går alltid til ein veldedig organisasjon, som Redd barna eller Dråpen i havet.
“Fjordane folkehøgskule skal gjennom ein meiningsfull kvardag utfordre elevar og tilsette til å vere ansvarlege deltakarar i eit berekraftig fellesskap. Vi skal saman skape vårt beste år gjennom utvikling, glede og vennskap”
